A túa achega estará destinada a levar a cabo algún dos nosos programas e axudar así á integración das persoas con autismo e diversidade funcional. En definitiva, contribuirás co teu gran de area a cumprir os obxectivos fundamentais da gran familia que somos a Fundación Pictoaplicaciones, facendo viables e sustentables todos os proxectos actuais e axudándonos a desenvolver novos proxectos para seguir crecendo constantemente.

Na Fundación Pictoaplicaciones somos totalmente transparentes e facemos unha exposición precisa e detallada do traballo que se está a realizar, de como se realiza, e dos recursos que se están a empregar, para o que estamos á túa enteira disposición co fin de acadar o nivel de esixencia e compromiso con este propósito de practicar unha transparencia rigorosa.

Ademais, as fundacións están tuteladas por un protectorado —no noso caso a Consellería de Educación da Xunta de Galicia—, que é un órgano de control externo da fundación que vela polo correcto exercicio do dereito fundacional e pola legalidade da constitución e funcionamento das fundacións, o que garante que sempre haxa transparencia.

O importante non é a cantidade, o realmente importante é a solidariedade, esa marabillosa capacidade que temos para axudar e que consegue unirnos para que cada un, contribuíndo co que poida, nos faga chegar á meta e dese xeito sinxelo todos nos sentimos parte dela.

Se queres, podes facer unha doazón voluntariamente. Ti decides a contía, podes optar por unha contribución puntual ou por unha cota anual se o consideras oportuno. Todas as contribucións son benvidas e axudarán a colorear a vida dos que máis o necesitan.

Podes doar con tarxeta ou mediante transferencia bancaria. A través desta páxina guiámoste durante todo o proceso para realizar o pagamento con tarxeta de forma cómoda e segura desde calquera parte do mundo, pero se o prefires podes facer a túa doazón mediante transferencia bancaria:

Abanca: ES78 2080 0316 2330 4002 6439
Titular: Fundación Pictoaplicaciones

As transaccións realizadas a través do TPV virtual teñen todas as garantías de seguridade, confidencialidade e integridade. Non dispoñemos dos datos da tarxeta en ningún momento, son facilitados ao banco a través da pasarela de banca virtual segura.

A comunicación coa pasarela de banca virtual realízase sempre nunha contorna de conexión SSL segura. O TPV virtual está totalmente adaptado ás novas tecnoloxías de autenticación de clientes e protexe ás empresas e aos seus clientes adoptando, entre outros, o sistema 3D Secure, que incorpora os protocolos Verified by Visa e Mastercard.

Os únicos datos que recibimos nós son os datos do formulario (nome, NIF, enderezo de correo electrónico), que necesitamos para poder facer o certificado de doazón para a desgravación fiscal, sempre que teña marcado que quere recibir o certificado, pois en caso contrario a doazón sería anónima e non sería necesario facilitarnos ningún dato persoal.

Se decidiches facer unha doazón, podes deducila na túa declaración da renda (IRPF) ou no Imposto sobre Sociedades (IS).

Persoas físicas (IRPF): podes deducir o 80% dos primeiros 150 € doados. A partir desta cantidade, a dedución será do 35 %, podendo ser do 40 % se levas colaborando con nós polo menos 3 anos seguidos despois de superar os 150 € (por un importe igual ou superior, en cada un deles, que o exercicio anterior).

Persoas xurídicas (Imposto de Sociedades): podes deducir o 35%, que pode ser o 40% se levas colaborando con nós polo menos 3 anos seguidos cun importe mínimo de 150 € (por un importe igual ou superior, en cada un deles , ao exercicio anterior).

Cando fagas unha doazón, emitiremos un certificado da túa doazón que che enviaremos por correo electrónico e poderás utilizalo a efectos tributarios na declaración da renda (IRPF) ou no Imposto de Sociedades do ano seguinte. Lembrámosche que para poder comunicar á Axencia Tributaria Española o importe da túa doazón é imprescindible que sexas residente en España e que nos facilites o teu nome, apelidos, NIF e enderezo.

Se realizas a doazón cunha tarxeta e cubriches toda a información, recibirás o teu certificado por correo electrónico. Se fixeches a doazón mediante transferencia e a queres desgravar, tes que enviarnos unha mensaxe electrónica a hola@pictoaplicaciones.com co asunto «Certificado de doazón» e adxuntando o xustificante da transferencia.

Se fixeches unha achega anual, podes cancelala cando queiras enviándonos un correo electrónico a hola@pictoaplicaciones.com coa seguinte información:

- Asunto: Subscrición anual baixa
- Referencia da operación
- Data da operación
- Importe da operación
- Últimos 4 díxitos da tarxeta coa que realizaches a subscrición

Podes colaborar coa Fundación Pictoaplicaciones de diversas formas:

• Facéndotevoluntario e regalándolle o teu tempo a algún dos nosos proxectos.
• Mercando na nosa tenda en liña.
• Recomendándonos aos teus amigos e familiares.
• Síguenos nas redes sociais: Facebook, Twitter, Instagram, Pinterest, Youtube
• Se queres colaborar como empresa, utiliza o chat ou escríbenos a hola@pictoaplicaciones.com, e informaremos das opcións de patrocinio, mecenado e demais colaboracións.

Se queres colaborar como empresa, utiliza o chat ou escríbenos a hola@pictoaplicaciones.com, e informaremos das opcións de patrocinio, mecenado e demais colaboracións.

Mándanos un email a hola@pictoaplicaciones.com ou contacta con nós directamente por chat na parte inferior dereita da nosa páxina web. Se necesitas que te chamemos, facilítanos o teu número e chamarémoste o antes posible.