SOBRE NÓS
Contámosche como xurdiu o proxecto Pictoaplicaciones
PICTOAPLICACIONES nace no 2012 como proxecto solidario do Grupo Promedia -una empresa de diseño y desarrollo web y aplicaciones con sede en Santiago de Compostela- orientado hacia las personas con TEA o con otros tipos de Trastornos de Comunicación en el Lenguaje Oral.
Motivos persoais fixeron que o Grupo Promedia tomase conciencia deste colectivo de persoas con necesidades especiais para -aplicando os seus coñecementos no sector TIC-, desenvolver aplicacións dirixidas a axudarlles a estas persoas e a súa contorna a coñecer mellor o mundo que as rodea, contribuíndo deste xeito a aumentar os seus coñecementos e favorecer a súa inclusión real mediante o uso das novas tecnoloxías. Mantendo sempre a firme convicción de que o devandito proxecto, -dado o seu carácter social- non debe desenvolverse doutro xeito que con aplicacións gratuítas para que cheguen ao máximo número de persoas posible.
Con este convencemento, Pictoaplicaciones -proxecto solidario do Grupo Promedia- desenvolveu ao longo dos últimos anos aplicacións que axudaron e seguen a axudar as persoas con Trastornos da Comunicación na Linguaxe Oral a medrar cada día aprendendo e relacionándose co seu contorno: Pictotraductor, Pictosonidos, Pictojuegos, Pictoagenda, Pictocuentos e Wikipicto e grazas á Fundación Barrié tamén se desenvolveu o portal educativo Pictoeduca.
Ao longo destes anos tamén foi medrando a comunidade “Pictoaplicaciones”, sendo utilizada na actualidade por miles de usuarios de máis de 80 países.
A FUNDACIÓN
Unha nova etapa para o proxecto Pictoaplicaciones
Pictoaplicaciones comeza unha nova etapa. O que comezou coa frase “o que funciona para un neno pode funcionar para moitos máis” e deu lugar a un proxecto solidario, agora debe transformarse nun proxecto social que siga medrando co obxectivo de acadar e reforzar sempre a autonomía das persoas con necesidades especiais para lograr a súa inclusión real na sociedade desenvolvendo todo o seu potencial nela.
Chegou, pois, o momento de desvincular o proxecto solidario do Grupo Promedia do que será un proxecto social independente: A FUNDACIÓN PICTOAPLICACIONES e para facilitar esta emancipación, Grupo Promedia cedelle todas as súas Pictoaplicaciones á Fundación Pictoaplicaciones, que é a que recolle o testemuño da tarefa feita.
A FUNDACIÓN PICTOAPLICACIONES é unha entidade sen ánimo de lucro, declarada Fundación de Interese Galego, que ten como finalidade o fomento de actividades de formación, divulgación, promoción, estudo e investigación relacionadas cos ámbitos das persoas con diversidade funcional, educación, novas tecnoloxías, desenvolvemento e cultura, que melloren a inclusión e a calidade de vida das persoas con discapacidade.
2020
FUNDADA
NO ANO 2020
16
PROXECTOS
EN ACTIVO
+80
PAÍSES
ALCANZADOS
+1.000.000
USUARIOS
AO ANO
+77.000
SEGUIDORES
NAS RRSS
FINS DA FUNDACIÓN
Traballamos para acadar os mellores obxectivos
O noso obxectivo é acadar a plena inclusión das persoas con diversidade funcional.
Os fins da Fundación van dirixidos aos seguintes colectivos de persoas:
- Persoas con Trastorno do Espectro Autista, Asperger, Trastornos Xeneralizados do Desenvolvemento, Trastornos da Linguaxe e en xeral todas aquelas persoas con diversidade funcional e que por iso precisen dunha educación especial adaptada.
- Persoas con discapacidade específica que, por circunstancias vitais, viron afectadas as súas habilidades comunicativas (Alzheimer, ictus, parálise cerebral, etc.).
O obxectivo da FUNDACIÓN PICTOAPLICACIONES é mellorar a súa calidade de vida ao longo do seu ciclo de vida, promovendo a autonomía persoal, a normalización e a non discriminación para acadar a plena inclusión social e laboral segundo as posibilidades e capacidades de cada persoa.
Para acadar estes obxectivos, a FUNDACIÓN PICTOAPLICACIONES organiza e desenvolve iniciativas a través dos seus diferentes PROXECTOS.
UN PERCORRIDO POLA NOSA HISTORIA
Así fomos creando as diferentes Pictaoplicaciones
2012
Decembro
Nace Pictoaplicaciones coma proxecto Solidario de Grupo Promedia e con él a versión 1.0 da nosa aplicación Pictotraductor - Comunicación sinxela con pictogramas..
2013
Xaneiro
Presentamos Pictosonidos 1.0 - Axuda aos nenos a comprender e adquirir vocabulario con locucións e onomatopeas para cada palabra.
2013
Xaneiro
O noso portal Pictoaplicaciones publicouse en cssmania, naquel momento, o escaparate de sitios web de deseño de referencia do mundo.
2013
Febreriro
Somos Finalistas nos premios Eganet polo noso proxecto Pictoaplicaciones na categoría Mellor Aplicación de Software 2013.
2013
Marzo
Comezamos a nosa actividade nas Redes Sociais, que ao longo dos anos nos levou a compartir centos de materiais útiles para toda a comunidade.
2013
Abril
Presentamos o noso primeiro Pictoconto Pictocuento “Ricitos de Oro”, que comeza unha serie de contos clásicos adaptados con pictogramas e ilustracións animadas.
2013
Maio
Presentamos a nova versión de Pictotraductor 2.0, con diversas novidades en comparación coa versión anterior que o fan máis adaptable a cada usuario.
2013
Xullo
Presentamos Pictoagenda, unha aplicación pensada para organizar as actividades diarias mediante pictogramas e gráficos que amosan a evolución no día a día.
2013
Xullo
Finalistas nos premios “Emprende Santiago”, un recoñecemento da nosa propia cidade que nos enorgullece no traballo inicial do proxecto.
2013
Outubro
Presentamos Pictojuegos que inclúe catro pictoxogos iniciais: Pictomemory, Acciones, Pictopuzzle y Emociones.
2013
Novembro
Presentámosvos o noso Pictoconto “Carapuchiña Vermella” en tres idiomas: castelán, galego e catalán e a posibilidade de descargalo en pdf.
2013
Decembro
Presentamos o noso novo Pictojuego: Pegatinas. A través del podemos traballar o vocabulario en diferentes escenarios e utilizalo para repasar conceptos básicos.
2013
Decembro
Superamos os 200.000 usuarios e alcanzamos máis dun millón de páxinas vistas no noso primeiro ano. As redes sociais tamén seguen incrementando o número de usuarios cada día.
2014
Xaneiro
Presentamos o noso terceiro pictoconto: “El Patito Feo” que dá a posibilidade de escoller entre 2 niveis de dificultade dependendo da competencia lingüística do lector.
2014
Maio
Presentación de Pictosonidos 2.0 0 Nesta actualización incluíronse vinte categorías novas, referidas a campos semánticos e rutinas. Inclúense frases para reforzar conceptos.
2015
Xuño
Premio e-Inclusión do Colexio Profesional de Enxeñería Informática de Galicia, pola inclusión de persoas con trastornos da linguaxe a través das novas tecnoloxías.
2015
Novembro
Presentamos 0 nativo para Android.. A primeira das aplicacións que presentamos para dispositivos móbiles sen necesidade de ter internet para usala.
2016
Abril
Presentámosvos a nova ferrament Pictotraductor 2.0 que permite traducir calquera páxina web ou calquera blog en Internet a pictogramas, de forma sinxela e rápida.
2016
Xuño
Presentamos Pictosonidos2.0 nativa para iOS. Permite o seu uso sen necesidade de internet en ningún dispositivo de Apple a través de iPhone ou iPad.
2016
Julio
Imos a Madrid porque Pictosonidos é finalista dos premios nacionais de Vodafone na categoría de aplicacións sociais Vodafone Connecting for Good Innovation 2016.
2017
Octubre
Presentamos a nosa nova aplicación Wikipicto, unha aplicación que nos permite atopar as palabras máis utilizadas no día a día e velas traducidas en imaxes e pictogramas.
2017
Decembro
Grazas á Fundación Barrié, presentamos Pictoeduca, un proxecto que reúne unha gran variedade de material didáctico en distintos formatos e que é todo un éxito.
2018
Xaneiro
Seguimos compartindo recursos diariamente nas nosas redes sociais e superamos a barreira dos 500.000 usuarios e alcanzamos as 3.000.000 de páxinas vistas.
2019
Decembro
Iniciamos os trámites legais para a constitución dun novo e ilusionante proxecto e chegamos ao millón de usuarios e xa estamos en 4 millóns de páxinas visitadas.
2020
Xuño
Presentamos o noso Pictocuento “Hansel e Gretel” cun novo deseño para unha experiencia receptiva en 7 idiomas e novas opcións para traballar con pictogramas.
2020
Setembro
Nace a Fundación Pictoaplicaciones , á que Grupo Promedia cede todas as aplicacións desenvolvidas ata a data e con elas a batuta dunha nova travesía.
